ಧರೆಯ ಕೂಗು!...

ಇಳೆಯು ದಾಹದಿ ಬೆಂದಿಹುದು

ಮಣ್ಣಿನ ಕಂಪಿದು ಮಾಸಿಹುದು

ಬರಗಾಲ ನಕ್ಕು ಕರತಾಡನ ಗೈಯುತಿರೆ

ಅಂತರ್ಜಲ ಬತ್ತಿ ಸಾವು ಕಂಡಿಹುದು||

           ಗದ್ಗತಿತ ಕಂಠದಲಿ ಧರೆಯು ಕೂಗುತಿರೆ

           ತೃಷೆಯಿಂದ ಬಳಲಿಹೆನು ನೀರು ಕೊಡು ಎನುತಿರೆ

           ಮೋಡಗಳ ತಾತ್ಸಾರ ಕಂಡು ಬೆರಗಾಗುತಿರೆ

          ತೋರಿಸಬಾರದೇ ಮಳೆ ಬರುವ ಚಹರೆ ||

ದಿನದಿನವು ಏರಿಹುದು ಸೂರ್ಯನ ಭುಗಿಲು

ಕನಿಕರವ ತೋರದೇ ಆ ಬಾನ ಮುಗಿಲು

ಬಾಡಿಹುದು ಅರಳುವ ಹೂವಿನ ಎಸಳು

ಇನ್ನೆಷ್ಟು ಕಾಲವು ಈ ಭೂಮಿ ನಗಲು ||

           -ಪೂರ್ಣಿಮಾ ಶೆಟ್ಟಿ,,
           ಡಯಟ್ ಕಾಸರಗೋಡು,, ಮಾಯಿಪ್ಪಾಡಿ.